د بامیان ولایت په مرکز کې د اته میلیونه افغانیو په ارزښت درې ټولګټې پروژې بشپړې او ګټې اخیستنې ته وسپارل شوې.

د کډوالو د ستونزو د هواري د عالي کمیسیون په غونډه کې د رئیس الوزرا د دفتر د اداري مرستیال په حضور کې د کارموندنې د پلان، کډوالو ته د ځمکې د ویش او د صنعتي مشارکت د رامنځته کولو په اړه خبرې وشوې.

د هېواد د کانونو او پټرولیم وزارت سرپرست مولوي هدایت الله بدري د هرات د نمک سیر غوریان د مالګې له کان څخه د لیدنې پر مهال وویل چې دغه کان کولای شي ټول افغانستان ته مالګه ورسوي.

د کلیو د بیارغونې او پراختیا وزارت د پروان ولایت په کوه صافي ولسوالۍ کې د څلور میلیونه افغانیو په لګښت د اوبو رسولو د یوې شبکې د جوړولو کار پیل کړ.

د مالیې وزارت د یوې خبرپاڼې په خپرولو سره ویلي چې د افغانستان د اسلامي امارت د رهبرۍ د پرېکړې پر اساس دغه وزارت د ۲،۷ میلیارده افغانیو په ارزښت یو شمېر بهرنیو بنسټونو ته د تېرې ادارې پورونه ورکړي دي.

د بامیان ولایت د هوايي ډګر د ځغاستې د ۶۰۰ مترو په اوږدوالي د اساسي ترمیم د پروژې چارې د څه باندې ۴۰ میلیونه افغانیو په ارزښت د دغه ولایت د سیمه ییزو چارواکو او د دغې پروژې د تطبیق کوونکو شرکتونو د مسوولینو په حضور ...

د افغانستان د سوداګرۍ او صنایعو وزارت د خصوصي خونو له استازو سره د افغانستان او ګاونډیو هېوادونو او سیمې ترمنځ د سوداګریزو او ټرانزیټي اړیکو د ښه والي په موخه غونډه وکړه.

د صنایعو او سوداګرۍ وزارت سرپرست د خصوصي خونو له استازو سره په کتنه کې وویل، چې د صنعتي پارکونو د ځمکو د ترلاسه کولو لپاره د پانګوالو له خوا تر ۸۰۰ ډېرې غوښتنې دغه وزارت ته سپارل شوې دي.

د کرنې، اوبولګولو او مالدارۍ وزارت د فاریاب ولایت له کروندګرو څخه د ۱۳۴۰ مټریک ټنه اضافي غنم د پېرلو اعلان وکړ.

د فواید عامې وزارت د ریل پټلۍ مرستیال بخت الرحمن شرافت هرات ولایت ته د خپل سفر او د هرات – خواف ریل پټلۍ له پروژې څخه د لیدنې پر مهال د دغې پروژې ۶۵ سلنه پرمختګ اعلان کړ.

په میدان وردګو ولایت کې "د هېواد تولید د هېواد لپاره د ویاړ سرچینه ده" تر سرلیک لاندې د کورنیو تولیداتو د بارزګ نندارتون جوړ شو او د خلکو له پراخ هرکلي سره مخ شو.

په جوزجان ولايت کې د طبيعي پيښو له زيانمنو سره د مرستې او د روان کال د سختو بارانونو او سيلابونو له امله د رامنځته شويو زيانونو د مخنيوي په خاطر د تدابيرو د برابرولو په مقصد د اضطراري کميټې غونډه جوړه شوه.